ألعاب من زمن فات .. للشاعرة المبدعة أحلام هنرى

wait... مشاهدة
أخر تحديث : الثلاثاء 11 أغسطس 2020 - 6:01 صباحًا
ألعاب من زمن فات .. للشاعرة المبدعة أحلام هنرى
شارك هذا:

زمان كانت حياتنا

كلها لعبة

بنلعبها ..

بتتعبنا ..

ونعمل نفسنا عادي

ولا بنحس بتعبها

وكانت كل أحلامنا

بتتكعبل في حبة. بلي

أو دبور ..

فــ نبلة جامدة بالأستيك

وكام عصفور

تريك وتراك .. ونط الحبل

والأولي  وسبع طوبات. وتقولا

ونجري بسرعة نتشعبط

ورا الحنطور

وفجأة كبرنا يا قلبي

لقينا الدنيا حدوتة

بتخلص قبل ما بنعرف

دي حلوة ولا ملتوتة

لقينا الفرحة طول العمر

كام ساعة .. ومشحوتة

لقينا الحزن بيحافظ

علي المواعيد ..

وبيسجل حضوره يوماتي

في النوتة

وفي الآخر ..

بقيت وحدي ..

وباتنشق علي علقة

في مرة خدتها من آمي

عشان يعنى بدون ما أقصد

خنقت بإيدي كام كتكوت

وأبويا لما يصالحني

بربع جنيه

وكام سحتوت

جرينا .. وجريت الدنيا

يخليكي ليا يا أمي .. وأبويا يموت

وكله يعدي فوق راسي

وفوق قلبي

وكله يفوت

وعايشة عادي باتعامل

وباتكلم .. ولما أضحك

باحس الضحكة مكتومة

وطالعة ماسخة

من غير طعم

من غير صوت

أنا العايشة  بإدن الله

وفاكره دنيتي لعبة

وأتاريني أنا اللعبة

وكنت الميتة الصاحية

في قلب تابوت

حواديت أيام رمان

وعجبي

رابط مختصر

أضـف تـعـلـيق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة الوسيط الدولى الالكترونية وهي تلزم بمضمونها كاتبها حصرياً.