ازاي تختار نائب ديراتك

wait... مشاهدة
أخر تحديث : الثلاثاء 1 سبتمبر 2020 - 10:39 مساءً
ازاي تختار نائب ديراتك
شارك هذا:

ازاي  نائب ديراتك 

في الاول الكلام دا ممكن يزعل ناس كتير بس دا الصح من وجهة نظر شخصية في اختيار مرشحك

في البداية احب اقولك لابد من اختيار النائب اللي هيمثلك بكل دقة وامانة وصدق علشان مترجعش تندم 

 في اوبشن عندك اسمه التفكير الصح وعلشان تفكر صح لازم تحط نقط مهمة تبدا من خلالها اختيار افضل من يمثلك 

ودي بعض النقط المهمة اللي لازم تحطها في اعتبارك وانت بتختار : 

1-متتغرش بكمية الدعم المادي اللي موجودة في الدعاية مع اي مرشح 

2-مش علشان في كل 5 متر بانر دعاية للمرشح ولا منتشر علي الفيس بوك تختاره

3-متنتخبش واحد منزلش ديراتك وسمع منكم مشاكلكم 

4-متنتخبش واحد كل شغله انه يروح فرح او عزاء يقضي الواجب

5-متنتخبش واحد بيوزع سكر وزيت ولينا في الاخوان عبرة اللي دفعوا باليمين هياخدوا بالشمال

6-متنتخبش واحد يقولك هيجبلك شقة او ارض من الدولة أو هشغلكنفس الفكرة رقم5

7-متنتخبش حد لمجرد انه صديقك او قريبك ودا مهم جدا

8-متنتخبش حد من نفس تيارك او ايدلوجيتك الا لو شايف انه صح

9-متنخبتش واحد غير مسئول وغير وطني لم يظهر اي بوادره لوطنيته 

10-متتخبش واحد مش فاهم معني التشريع ولا دور البرلمان الحقيقي وازاي يستجوب وزير اي مسئول

ودا حصل كتير في الوقت الحالي

11-متنتخبش واحد بتاع خدمات شخصية يعني ينسي دورة كنائب تشريعي ويتفرغ لخدمات شخصية باحته لانه كده بيدور علي مصلحته الشخصية علشان يضمن كرسي له في المجلس مرة تانيه لان اللي بيكدب لتجميل نفسه شخصية سيئة ومصلحته اهم من مصحلتك

12-متنخبش واحد معندوش اي روية ولا هدف ولا برنامج لمجرد أنه صاحبك أو قريبك أو جارك 

خليك فاكر انك اهم شخص لان صوتك هو المهم تاكد ان صوتك هو المسئول الاول عن نجاح المجلس لانه اختيارك اللي جاب الشخص الناجح او الحائز علي اعلي صوت

دورك مهم جدا في توعية نفسك علشان تختار صح 

وربنا يولي الاصلح

حمي الله مصر وشعبها وجيشها

رابط مختصر

أضـف تـعـلـيق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة الوسيط الدولى الالكترونية وهي تلزم بمضمونها كاتبها حصرياً.