كلمتان من ذهب .. للشاعرة المصرية المبدعة أحلام هنرى

wait... مشاهدة
أخر تحديث : الأحد 20 سبتمبر 2020 - 3:28 مساءً
كلمتان من ذهب .. للشاعرة المصرية المبدعة أحلام هنرى
شارك هذا:

كلمتين من دهب فيهم الخلاصة لتساؤلات ناس كتير أوي و من كتر الأسألة اللي بدون إجابة حياتهم بتقف ركّزوا معايا

ساعات تلاقي حد فجأة ظهر في حياتك ويملأ فراغ جواك ووجوده يحسسك بالأمان وبعدين بدون مقدمات، يختفي !!!

تلاقي أن الشخص ده بطريقة عجيبة اقتحم حياتك وخلاك تحبه وبين يوم وليلة يبطل يكلمك أو يمشي من غير أسباب !!!

للأسف…حتي لو مكنش فيه وعود صريحة لكن بتلاقي نفسك اتعلقت بفكرة وجوده في دنيتك.

ومع مرور الوقت وتكرار خيبات الأمل، كل شوية حد ييجي وياخد كام شهر ولا كام سنة من عمرك لكنه لما بيمشي، بياخد كمان حتة من روحك..

وبعد ما وجوده طلعّك سابع سما،

غيابه مش بس بينزلك سابع أرض لكنه بينزلك علي جدور رقبتك..

وتتملي دماغك بمليون سؤال:

طيب كان ليه بقي من أساسه؟

اللي مش مستعد يكمل المشوار، ابتداه ليه من الأول؟

ليه توعد لو مش هتوفي؟

ليه تقرب لما ناوي شوية وتبعد؟

ليه تهتم بالتفاصيل وتعلي التوقعات؟

ليه مش صادق مع نفسك قبل ما تكون أمين مع الطرف الأخر؟

ليه تعلق اللي قدامك بحلم أو بفكرة وأنت مش قدها؟

لكل حد مر بالظروف دي ،

عايزة أقولك إنك ماغلطتش إنك رحبت وصدقت وحلمت وآمنت

احمد ربنا إنك بني آدم سوي نفسيًّا لسه عندك مشاعر إنسانية طيبة و لسه إنسانيتك موجودة متحطمتش

احمد ربنا علي نعمة إنك لسه نضيف

وإن كان اللي قدامك مش قادر يشوف جمال روحك،

ماتخليش ده يشكك في نفسك أو في قيمتك!!!

ارفض / ارفضي إنك تعيش مكسور أو حاسس بالرفض لأنه ببساطة ممكن يكون إعادة توجيه من ربنا.

و افتكروا أن انتصاركم الحقيقي علي نفسكم و اللي هيبيّن قوة شخصيتكم هو طريقتكم في المقاومة و الصمود و إنكم بدل ما تخلقوا من نفسكم ضحية …

 اجعلوه درس و درجه سلم اتكعبلت فيها عشان ناخد بالنا من اللي جاي

أوعي تعيش ضحيه ركّز

عايز كمان أفكرك بالمقولة العظيمة دي :

“هناك من يخلق الأعذار ليبتعد وهناك من يخلق الوهم ليبقي”.

اللي عايز يكون موجود بجد، هيعمل كل ما في جهده عشان يكون موجود.. 

هيثبت لك بتصرفاته مش هيثبتك بكلام أجوف..

إياك تزعل علي حد سابك..

 ببساطة لأنه بيفضّي مكان للي جاي…

مش فكرة استبدال، لكن إيمانا بمبدأ

 “يرحل من يرحل.. ليأتي من يستحق”.

عزيزي وعزيزتي: أرجوكم حافظوا علي قلوب تألمت.. حافظوا علي نفوس التمست فيكم شفا وتعويض..

حافظوا علي مشاعر دابت من جراح قديمة وماتخنقوش فيهم النبض اللي بيحاول يضخ لنفوسهم حياة !!

اتقوا شر إيذاء المشاعر..

أرجوكم رفقاً بالقلوب!

اتعاملو مع ربنا قبل ما تتعملو مع العباد

اتقو الله في الناس و في نفسكم

اعملو حساب يوم الحساب و وقفتكو قدام ربنا و رد المظالم👌

فوقوا لنفسكم

دُمتم واضحين مع نفسكم قبل ما تكونوا واضحين مع الغير.

رابط مختصر

أضـف تـعـلـيق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة الوسيط الدولى الالكترونية وهي تلزم بمضمونها كاتبها حصرياً.