مصطفي القناص يبهر الجميع برسم صورة محمد صلاح علي الجدران في أبوتيج

wait... مشاهدة
أخر تحديث : الثلاثاء 26 يونيو 2018 - 1:50 صباحًا
مصطفي القناص يبهر الجميع برسم صورة محمد صلاح علي الجدران في أبوتيج
شارك هذا:

مصطفي القناص يبهر الجميع برسم صورة محمد صلاح علي الجدران في أبوتيج

كتب /محمود جمل _إبراهيم حامد 

مصطفى محمود عبدالباري وشهرته مصطفي القناص
طالب بالفرقة الرابعة بكلية الشريعة والقانون جامعة الأزهر”شاعر ورسام “حصل علي المركز الاول محافظة في الشعر وحصل ثلاث مرات علي التوالي اول جامعة ويؤكد مصطفي علي انه ابداع في خمسة مستويات جامعات مصر وحيث تم ترشيحه للمشاركة في العديد من الندوات والأمسيات والملتقيات الشبابيه في معظم محافظات الجمهورية ممثلاً لمحافظة اسيوط في الشعر
وله ديوان تحت الطباعة بعنوان “عُكاز مكسور”

وتحدث القناص بخصوص الرسم قائلا ان الرسم احتفظت به ك موهبة خاصة لم اشارك بيه في اي مسابقات و لكن لي العديد من الاعمال واللوحات الزيتيه والفحم والرصاص وبشكل اكبر اتخذت من الجرافيتي والرسم الجداري مصدر رزق لأحول اي حائط الي لوحة فنيه
ويؤكد القناص ان مشوار الفن كان هوايه وكان حابب هذا المجال
ويقول تعلمت تلك الموهبة بالفعل بمجرد شخبطه من سن 12 سنه تقريبا وكنت لما بشوف حاجة بفكر ارسمها
وطبعا بعد وجود اليوتيوب كنت بشغل فديوهات واحاول اقلد المستوي بدأ التحسن بشكل كويس
ويقول من خمس سنين تقريبا اتعرفت علي الاستاذ نور الجيزاوي واتعلمت اساسيات الرسم علي ايده بعدها اجتهدت

ويؤكد علي ان ذالك الموضوع له عواقب فى تلك الأيام من البداية حتي الان لا يوجد دعم من اي جهة حتي قصور الثقافة اللي من المنوط بها دعم الفن والثقافة يتريسها حاشية من المنفرين اللي بينتقدو من اجل الأنتقاد
ويقول وجودي في قرية داخل مراكز ابوتيج فمكنش قدامي متنفس غير السوشال ميديا بعد سنين كتير غير بقي المحبطين والمسبطين اللي ديما بيشوفو اي حد مختلف وناجح فاشل
ويقول القناص ان والده كان دائما يرى الفن  حاجة تافهة وغير مقتنع بها غير بعد ماشاف نجاحى
وأكد القناص في أثناء  الحوار معه  علي ان الماتريال والخامات غاليه جدا لاتشجيع أحد ان يرسم
ويقول في كلامه انا لسه بحاول اتخطي العواقب واوجد نفسي علي الساحة الادبيه بالأجتهاد والمثابرة .. انما حلمي ده لسه باقى عليه وقت

و يؤكد علي نقطه هامه انا نفسى اكون حاجة مشرفة لبلدي فى المقام الاول فى الشعر احصل علي لقب امير الشعراء انما ف الرسم يكفيني جدا انه يكون الكارير بتاعى ومجال شغلي علي مستوي الجمهوريه
ويقول القناص رسمت محمد صلاح النجم العالمى وفخر العرب اولا حباً فيه ك شخص حاول وعافر وصبر عشان يحقق حلمه ونجح في ده فأصبح مثال يحتزي به وحلم ومثل لكل شباب مصر بل والعالم
وقال القناص عند نزولى القاهرة كتير وبشوفالجرافيتي حاجة بتنور شوارع وسط البلد فكرت اعمل حاجة تكون مبهجة ف الصعيد وكمان انا شاب وبحلم فني ورسمي يوصل للناس فقررت ارسم جرافيتي ف الشارع اول حاجة جات ف بالي محمد صلاح عشان مفيش حد مبيحبهوش في مصر اخذت موافقة من مجلس المدينه وجهزت المتريال الخاصة بالرسمة من الوان وادوات
ونزلت للشارع ليلة العيد عشان ابوتيج تصحي علي حاجة حلوه
واشار الى نظرت فرحته  جداا للناس بتتصور جنب الرسمة ومبسوطين بحس اني فعلا عملت حاجة
وان شاء الله هيكون فيه حاجات تانيه قريب
ويؤكد علي ان الذى تم علي الموافقة رئيس مجلس المدينة نفسه وافق ورحب بالفكرة لم يكن احد بجانبي من المسؤلين اطلاقا ساعدني ف الرسم صديقى محمد رفعت هوا يعتبر من هواة الرسم وبيتعلم مني حاليا

وتحدث عن المدة التى اخذها اثناء تنفيذ تلك الصورة ليلة فى الاول بعدها كان فاضل شوية تفاصيل تم تعديلها بعد ساعة

رابط مختصر

أضـف تـعـلـيق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة الوسيط الدولى الالكترونية وهي تلزم بمضمونها كاتبها حصرياً.